ब्रेकिंग

विदेश

कॅलिफोर्नियात बॉम्बस्फोटात एकाचा मृत्यू; चार जखमी

Samruddhi Dhayagude
19 May 2025

दहशतवादी हल्ल्याचा संशय

सॅक्रामेंटो : कॅलिफोर्नियातील पाम स्प्रिंग्ज येथील एका दवाखान्याच्या बाहेर शक्तिशाली बॉम्बस्फोट झाला. यात एक जण ठार झाला तर चार जण जखमी झाले. हा दहशतवादी हल्ला असल्याची शक्यता वर्तवण्यात आली आहे.

पाम स्प्रिंग्ज शहराचे पोलिस प्रमुख अँडी मिल्स म्हणाले, शहराच्या मध्यभागी स्थानिक वेळेनुसार सकाळी ११ वाजण्याच्या सुमारास स्फोट झाला. यात काही इमारतींचा भाग कोसळला. हे जाणूनबुजून केलेले दहशतवादी कृत्य आहे. मृताची ओळख पटवणे बाकी आहे. मृत व्यक्तीच संशयित आहे की नाही, हे अद्याप स्पष्ट नाही. त्यादृष्टीने तपास सुरू आहे.

अमेरिकन रिप्रोडक्टिव्ह सेंटर्स चालवणारे डॉ. माहेर अब्दल्लाह म्हणाले, हल्ल्यात दवाखान्याचे मोठे नुकसान झाले आहे. मात्र, सर्व कर्मचारी सुरक्षित आहेत. तसेच, आयव्हीएफ लॅब सुरक्षित आहे. घटनेनंतर परिसरात भीतीचे वातावरण आहे. पोलिसांनी लोकांना सतर्क राहण्यास सांगितले आहे. तपास यंत्रणा या प्रकरणाचा कसून तपास करत आहेत.